Gure Esku Dagok mosaiko erraldoia egingo du –aterkiekin inoiz egin den handiena– zapatuan Donostiako Zurriolako hondartzan, eta ekitaldi horretarako izena emateko badago oraindik aukera. Gaur, egubakoitza, plazan egongo da Oñatiko taldearen mahaia (19:00-21:00).
Mosaikoa izango da 11:00etan, eta ekintza honekin eskoziarrak zoriontzea nahi da, eta kataluniarrei elkartasuna adieraztea. Hain justu ere, domekan, Kataluniako kontsultaren egunean, bilkura egingo dugu plazan, 13:00etan, Katalunia: urrats bat, erabaki bat; hauxe da bidea, ara es l'hora leloarekin.
