Ramon Irizar transformazio zentroa berritu egin behar dute eta lan horiek egiteko, argia kenduko dute erdiguneko hainbat kaleetan gaur gauean. 00:15etik 07:00etara, hain zuzen ere. Hala, urriaren 22tik 23ra bitarteko gauean, zazpi orduz egongo dira argi barik hainbat etxebizitza.
Gauerdian, 00:15ean kenduko dute, eta 07:00ak arte ez dute argirik izango kale hauetan atari gehienetan: Apaolaza, Arantzazuko Ama, Atzeko kale, kale Barria, Aozaratza, Ramon Irizar, Ultzegi eta Zubibarri. Guztira 70 eraikinei eragingo die eten horrek. Horrelakoetan egin ohi denez, argirik gabe egongo diren atari eta eraikin horietan jakinarazpen oharrak jarriko dituzte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.