Bada, aurten, partaide interesgarriak izango dira: belaunaldi askotariko soinu-jotzaile eta pandero-jotzaileak elkartuko dira esperientzia handiagoa duten soinu-jotzaileekin batera. Xabier Solano ere etortzekoa zen, baina azkenean Kristina arrebak bakarrik joko du. Hauek etorriko dira Oñatira:
• Irati Gutierrez eta Amets Ormaetxea
• Imuntzo eta Beloki
• Xabier Etxaniz eta Ainara Saizar
• Kristina Solano
• Agirrebeña anai-arrebak eta Jauregi
• Kepa Junkera & Sorginak
• Gozategi anai-arrebak
Sarrerak 10 euroren truke daude salgai Oñatiko Arrano eta Urbia tabernetan, baina gutxi gelditzen dira. Sarrerak erreserbatzeko aukera ere badago elkartean bertan.
Jaialdiaren ondoren 21:00etan gaztelekuan egingo den afarirako txartelak ere Arrano eta Urbia tabernetan egongo dira salgai. Menuak 20 euro balio du. Afalostean, 23:00etan, erromeria egongo da gaztelekuan bertan Gari eta Iñakirekin. Sarrera doan izango da eta herritar guztiak daude gonbidatuta.
