Udalbatza, alkatearen aukeraketa zuzenerako proposamenaren kontra

Hauteskunde legearen barruan PPk egin gura duen aldaketaren aurka daude Bildu eta EAJ eta bien artean adostutako mozioa onartu zuten atzoko osoko bilkuran.

Alderdi Popularrak alkatea zuzenean zerrendarik bozkatueneko zerrendaburua izendatzeko egin gura duen Lege Aldaketaren aurkako jarrera adierazi du Oñatiko udalbatzak. Horren aurka daudela esateko mozio bateratua atera dute udalbatza osatzen duten bi alderdiek, eta atzo, eguena, egin zen iraileko osoko bilkuran onartu zuten.

Bestalde, Outhsa enpresaren disoluzioarekin jarraitzeko batzar orokorrak hartutako erabakia onartu zuten alderdi biek. Baita Espurgo programa erabiltzea ere. Expedienteen dokumentazio guztia gordetzen da udaletxean eta Jaurlaritzaren programa horrek, behin denbora bat pasata, zein dokumentu bota daitekeen jasotzen eta baimentzen du. Hala, dokumentu berriak gordetzeko tokia libratuko da.

Kutxabanken pribatizazioaren kontrako mozioa ere aurkeztu zuen Bilduk. Jeltzaleek aurkako botoa eman zuten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.