Agortu dira 'Iparragirre Oñatin' antzezlana ikusteko sarrerak

Zapatuan egingo dute 'Iparragirre Oñatin' izeneko antzezlana Santa Anan eta sarrera guztiak agortu dira dagoeneko, bai iluntzeko emanaldirako baita gauekorako ere.

Olaitturri Kultura Elkarteak prestatu du Iparragirre Oñatin antzezlana. 1880an Iparragirre Oñatin izan zen San Migel jaiak alaitzen eta hor girotzen da antzerkia. Iñaxio Irizarrek zuzendu du eta herriko hainbat talderen laguntza izango dute antzezlanean: bertso eskola, Parrokixako korua, Ganbara abesbatza, Jose de Azpiazu musika eskola, Oñati abesbatza eta Pake-Leku. Guztira 27 lagun igoko dira taula gainera, guztia prestatzen dabiltzanak 40 inguru diren arren.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.