Danbor hotsekin iragarri dute herriko neska-mutikoek San Migel jaiak bertan direla. Berotu dute giroa eta prestatu dituzte txantxikuarrak herriko festa nagusienetarako. Denera 170 umek hartu zuten parte.
Atzo arratsaldean izan zen haurren danborrada. 18:00etan irten ziren Santa Marina plazatik, eta herriko kale nagusiak zeharkatu ostean, Foruen plazan amaitu zuten. Bertan jo zituzten abesti guztia, tartean, San Migel. Santuak entzungo zuen badatozela festak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.