Astelehenean hasi zituzten Ramon Irizar kaleko parkea eraberritzeko lanak. Hainbat izango dira parkean egingo dituzten aldaketak, besteak beste: jolaslekua kendu, zoladura aldatu eta berdeguneak egokitu. Erabilera askotariko egurrezko plataforma bat ere ezarriko da. Egungo zuhaitzak mantendu egingo dituzte eta berriak ere landatuko dituzte. Lanak herrigune historikoaren ezaugarriak kontuan hartuta egingo direla argitu zuen alkateak uztailean, lanen proiektua aurkeztu zutenean.
Azarorako amaitu gura dituzte lanak. Itziar Zelaia arkitektoak diseinatu du parke berria eta 120.345 euroko aurrekontua izango du.