Eguzki behaketa egingo dute domekan

Eguzki behaketa egingo dute domeka eguerdian Foruen plazan. Ilatargi elkarteak gidatuko du behaketa eta horixe izango da berezitasun handiena, ilargia edo izarrak ikusi beharrean, eguzkia nolakoa den kusiko dutela teleskopioaren laguntzarekin.

 

"Bi teleskopio jarriko ditugu domeka eguerdian Foruen plazan eta ordu pare batez egongo gara han. Bi filtro erabiliko ditugu eta horien laguntzarekin eguzkia eta eguzkiaren protuberantziak, etengabe jaurtitzen dituen leherketa txikiak, ikusi ahal izango ditugu. Filtro batekin, esaterako, kolore zuriko eguzkia ikusiko dugu eta bestearekin, berriz, kolore laranja edo gorriko protuberantziak", azaldu du Ilatargi taldeko Manu Arregik.

Eguzki behaketak irauten duen bitartean Ilatargi taldeko kideak astronomiari buruzko edozein zalantza edo iritzi argitzen eta partekatzeko prest egongo dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.