Mikel Deuna saria jokatuko dute zapatuan Oñatin

Gazte mailako eta bigarren urteko kadeteek Mikel Deuna Saria jokatuko dute zapatuan, 10:00etan hasita (Mendiko Kriteriuma). Ziklistek 88 kilometroko lasterketari egin beharko diote aurre. Udana birritan pasatzeaz batera, txirrindulariek Atagoitiko maldak ere birritan gainditu beharko dituzte. 

Aurtengo nobedadeetako bat da lasterketaren hasiera eta amaiera unibertsitate parean izango dela. Hala, bailaran egingo dituzte lehenengo kilometroak, Bergarara joan-etorri bat eginda, baina ondoren Udana igo eta Goierri aldera abiatuko dira. Ibilbidea hemen. Lasterketan bailarako hainbat talde izango dira ordezkatuta. Oñatikoen artean, Aloña Mendi ordezkatuko dute Julen Umerezek, Xabier Aiastuik, Xabier Murgiondok, Ekaitz Txintxurretak eta Beñat Ormaetxeak. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.