Azken asteotan bereziki laztu da Palestina eta Israelen arteko harremana. Tentsioa piztu zen hiru gazte israeldar bahituak izan zirenean; eta ondoren, hilik azaldu zirenean. Horri erantzuteko asmoz, Israelek Hegi babesgarria operazioari ekin zion. Ordutik 227 dira hildako palestinarrak eta 1.550 zaurituak.
Gertaera horien aurrean gaitzespena azaltzeko asmoz, elkarretaratzea egin zuten atzo iluntzean Oñatin, Gaza bizirik. Genozidioari stop! lelopean, herritar talde batek deituta. Bertan batutakoek Israelen jarrera salatu nahi izan zuten eta baita Palestinar herriarekiko elkartasuna adierazi ere.
