Aurrera doa moneta sozialaren proiektua eta hurrengo urratsa mahai teknikoak (merkatari, ostalari, udal teknikari eta politikariak) proposatutako eredua taldez talde herriko merkatariei aurkeztea izango da. Horretarako, Udalak hainbat deialdi egingo ditu:
- Uztailak 22 (9:00 / 15:00 / 20:00): Janari denda, okindegi, harategi, arrandegia eta ile-apaindegiak.
- Uztailak 23, asteazkena (9:00 / 15:00 / 20:00): Arropa, oinetako, kirol-denda, mertzeriak, lurrindegiak, bitxi, liburu-denda, informatika, diseinu, argazki denda, optikak.
- Uztailak 28, astelehena (9:00 / 15:00 / 20:00): osasun zerbitzuak, pintura, ferreteria, opari -denda, etxe dekorazioa, altzariak.
- Uztailak 29, asteartea (9:00 / 18:00): alojamendu eta jatetxeak.
- Irailak 2, asteartea (9:00 / 15:00 / 20:00): igeltseritza, aroztegiak, elektrizitatea, iturgintza.
Udaletik jakinarazi dute telefonoz jarriko direla guztiekin harremanetan dagokien egun eta orduan joatea posible duten galdetzeko. Hala ez bada, beste deialdi batera joateko aukera izango dute.
Bilera guztiak udaletxean izango dira eta aurreikusitako denbora 45 minututakoa da gehienez. Edozein zalantzetarako merkatari, ostalari eta gremioek 943 71 88 08 telefonora deitu dezakete.
