Aterpe egokia bihurtu zen eguenean eta baita domekan ere, zaparradetatik babesteko, Aloña Mendi kirol taldeak zazpigarrenez jarritako Garagardo festaren karpa. Asteburuan baina, askotariko adin eta planak zituzten herritar askorentzako afaltzeko eta bazkaltzeko jantokia eta lagun artekoen topalekua izan da Aloña Mendikoen plazako plastikozko etxetxoa.
Ezagun da, herriko kirol klubak baduela dagoeneko horrelakoak antolatzeko eskarmentua; jatekoen eta edatekoen eskaintza zabaldu dute eta sukaldean zein barraren atzeko boluntarioek profesionalen itxura zuten.
Kontzerturik lotu ez izanaren pena zuen Anton Inza antolatzaileak; hala ere, ederto gozatu dute pantaila handian mundialeko partiduak ikusten
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.