%2011.17.44.jpg)
Ohikoak ez diren erregistro, estilo eta diziplinak bilduko dituzte domekan Antixenan. Izan ere, Imanol Epeldek 27 zapata ezizenarekin literatura eta rapa bateratzen dituen ikuskizuna eskainiko du, Etxepare rap. Zarauztarrak euskal literaturako zenbait obra rap kantuetara moldatu ditu; adibidez, Axularren, Bilintxen eta Bernat Etxepareren obra klasikoak landu ditu. Musika, literatura eta ikus-entzunezko edukiak batzen ditu ikuskizunean.
Literaturaren berrikuntza
Hezkuntza arloan, literatura irakasteko berrikuntza bezala ekin zion proiektuari Epeldek. Haren iritziz, ikasleek testu hutsa ez den edozer eskertu egiten dute eta harrera hobea izaten da.
Abenduan ikasgelatik oholtzara egin zuen salto. Hamar bat emanaldi egin ditu eta emaitzarekin pozik agertu da. Ekain erdialdean Bergarako kartzela zaharrean izan zen, Zibergara taldearen eskutik.
