Ohikoak ez diren erresgistro, estilo eta diziplinak bilduko dituzte domekan Antixenan. Izan ere, Imanol Epeldek 27 zapata ezizenarekin literatura eta rapa bateratzen dituen ikuskizuna eskainiko du, Etxepare Rap. Zarauztarrak euskal literaturako zenbait obra rap kantuetara moldatu ditu, artean, Axular, Bilintx et Bernat Etxepareren obra klasikoak landu ditu. Ikuskizunean musika, literatura eta ikus-entzunezko edukiak bateratzen ditu.
Literaturaren berrikuntza
Hezkuntza arloan, literatura irakasteko berrikuntza bezala ekin zion proiektuari Epeldek. Bere ustetan, ikasleek testu hutsa ez den edozer eskertu egiten dute eta harrera hobea izaten da.
Abenduan ikasgelatik oholtzara egin zuen jauzia. Hamar bat emanaldi egin ditu, eta emaitzarekin pozik agertu da. Ekaina erdialdean Bergarako Kartzela Zaharrean izan zen, Zibergara taldearen eskutik.