Urriaren 4an izango da aurtengo Herri Eguna eta orduan egingo den artisau azokan parte hartzeko izenematea zabalik dago. Kontuan hartuko diren irizpideen artean, oñatiarra izatea da bat. Zortzi toki egongo dira herritarren artean banatzeko eta horiek beteko ez balira, gainerako parte-hartzaileen artean banatuko lirateke postuak. Artisau ziurtagiria izatea, egindako lanak kalitatezkoak izatea eta produktuak originalak izatea ere izango dira artisauen aukeraketa egiteko udalak kontuan hartuko dituen beste irizpide batzuk. Proposamenak kultura etxean jasoko dira, mailez, posta arrunt bidez edo eskura. Eskaerak egiteko azken eguna, baina, uztailaren 20a da.