Kultura sailak gonbidatu ditu herritarrak herriko festetako egitaraua elkarrekin lantzera: proposamenak jasoko dituzte kultura etxean eta udaletxean ipiniko dituzten buzoietan. Badago, baita ere, partehartzea@oinati.net helbidera bidaltzea. Epea izango da ekainaren 27ra artekoa.
Herritarrek proposamenak egiteaz gain, Udalak nahi du jarduera horiek antolatzeko eta aurrera eramateko inplika daitezen.
Azala aukeratzeko lehiaketa
Horrez gain, jaietako egitarauaren azala aukeratzeko lehiaketa ere deitu du. Uztailaren 11ko 13:00 baino lehen aurkeztu beharko dira lanak, kultura etxean.
18 urtetik gorakoentzako lehiaketa da, teknika libre, eta ezingo dira aurkeztu aurreko edizioren batean finalista izandako lanak. Oñatiko jaixak 2014 testua eraman beharko dute, eta irabazleak eramango duen saria izango da 500 eurokoa.