Ikurrina eskuan kalera irten dira oñatiarrak

Oñatiko udaleko langileek hamabost minutuko elkarretaratzea egin dute 12etan, ikurrina eskuan zutela. Horiei zenbait herritar gehitu zaizkie, eta guztira berrogei bat lagun bildu dira Udaletxearen atarian. Oñatiko Udal Gobernuak salatu nahi izan du Borboi berri bati emango zaiola estatuaren agintea, herritarren iritzia kontuan izan gabe.

Izan ere, eztabaidarako aukerarik eman ez izana, eta prozedura demokratikoak ez errespetatu izana adierazi du Oñatiko udalak. Gainera, Euskal Herriari dagokionez, adierazi dute "ukazioa eta herritarron eskubideen bortxaketa" oinarri dituela estatuak, eta horren adierazle gorena dela Espainiako monarkia.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.