Liburua, arimaren ispilu egitasmoak hiru zati izan ditu. Maiatzean, berriztatutako 1495 urteko San Agustinen inkunable bat jarri zuten ikusgai maiatzean zehar, eta azokak iraun bitartean ere ikusgai egongo da. Ondoren, Xabier Egaña eskultorearen lanekin erakusketa antolatu zuten; eta, azkenik, Edizio Frantziskotarren argitalpenez osatutako liburu azoka antolatu dute, santutegiko klaustroan.
Arantzazuko komentuan 100.000 argitalpen inguru daude bilduta, aspaldikoak eta argitaratu berriak. Obra horiek argitara emateko eta publikoari gerturatzeko asmoz, antolatu dute azoka. Erakusketa-azoka izango da, aleak ikusgai izango dira eta erosteko aukera ere egongo da. Ekaineko igande guztietan irekiko da, goizez, 11:00etatik 12:00etara eta 13:00etatik 14:00etara. 50 argitalpen desberdin erosteko aukera egongo da, antolatzaileek adierazi dutenez presio merke eta sinbolikoetan. Pello Zalaba, Bitoriano Gandiaga eta Aita Villasanteren lanak egongo dira salgai, adibidez.