Egañak liburuez ostatuko erakusketa bat ekarri du gurera. Aleak suntsitu, itxuraldatu eta beste elementuekin nahastu ditu, kultura, eta ondorioz, gizakiaren ondarearen desagerpenaren aztarnak islatuz. "Erakusketan ez dut liburuen edo kulturaren aurka egin nahi izan, alderantziz; kulturaren eta balioen transmisio tresna diren horiek moldatu eta eraldatu ditut, errealitate berriak eraikitzeko", azaldu du Areetako artistak. Aurkitutako elementuez sortutako bigarren irakurketa honetan, Egañak bizitza berri bat eman die liburuei, "Gauza bat desegin dut, berri bat egiteko".
Arantzazu toki berezia
Frantziskotarra zela, Egañak Xavier Alvarez de Eulaterekin lan egin zuen, eta hark animatu zuen artista izatera. Urte batzuk geroago, 1979an, Arantzazuko Ama Birjinaren kamarineko hormak margotu zituen eta hortik dator santutegiarekin duen harreman berezia.
Egun Forondako Antezanako elizako hormen dekorazioan ari da lanean. Horma horietan berriz ere azalduko dira Bilboko itsasadarreko hiriko paisaia zaharrak, ebanjelioko mezuak eta giza talde handiak.
