Antolatzaileek guztira 80 pilotu inguru espero dituzte –Bergaran duela 15 egun batu zen pilotu kopuru antzerakoa–, eta tartean izango dira Bergarako klubeko ordezkariak, eta noski, lasterketa etxean korrituta hainbat oñatiar ere animatu dira. Hala, tartean izango dira Gorka Egaña, Iñaki Mendizabal eta Michael Jimenez junior mailan, eta Gorka Guridi seniorretan. Zoritxarrez, Xabier Arnaizek ez du parte hartuko, lesio bat tarteko, azken orduan atzera egin behar izan du-eta.
Erresistentzia proba
Zapatuan 15:00etan hasiko dira motorrak lehian. Sei kategoriatan banatuko dute proba (batera irtengo dira denak), eta arratsaldeko lehen orduan egiaztatzeak egin ondoren hasiko da lehia. Bi orduko erresistentzia proba izango da, eta denbora tarte horretan itzuli gehien ematen dituztenak igoko dira podiumaren gorenera.