Ikasleek Gaztelerako klaseetan Toti Martinez de Lezeak idatzitako Nur liburuak irakurri dituzte, eta gaur berarekin komentatzeko aukera izan dute. Liburu horiek irakurri, aztertu eta hausnarketak egin dituzte ikasturtean zehar, eta Totirekin edukiak elkarbanatu dituzte. Gainera, idazlearen biografia ere landu dute, baita literaturan egindako bidea ere. Gazteek parte hartze handia izan dute, eta galdera asko egin dizkiote Totiri, liburu zein bizitza pertsonalaren ingurukoak.
Saioaren bukaeran, ikasleak pozik agertu dira, Totirekin argazkiak atera dituzte eta liburuak sinatzeko aukera egon da. Gainera, ikasleek otalore batzuk eman dizkiote opari, Totik idatzitako 'La flor de la Argoma' liburua Oñatin oinarrituta baitago.