Lapurretan egin diote kalean Oñatiko neska bati, mehatxupean

Zapatu gauean izan zen gertaera, 04:00ak aldera. Gizonezko batek atzetik eraso egin zion neskari eta gerri parean, atzetik, zerbaitekin mehatxatuta, aldean zuen guztia emateko esan zion. Neskak udaltzaingoan jarri du salaketa eta epaitegietan dago kasua.

Idoia Lazpita Oñatiko udaltzainburuak azaldu duenez, gertaerak zapatutik domekara bitartean gertatu ziren, Atzeko kalea eta Kalegoienako bidegurutze inguruan, 04:00ak eta 04:30ak bitartean. Gizonezko batek atzetik heldu eta gerri parean zerbaiten mehatxu eginda, aldean zeraman dena emateko esan zion neskari. Erasotzaileak sudadera beltza zuela janzita adierazi du neskak udaltzaingoan jarri duen salaketan.

Udaltzainek epaitegietara eraman dute salaketa eta Ertzantzari ere eman diote horren berri, "gaueko zaintzan neurriak handitu ditzaten", Lazpitak adierazi duenez.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.