Irunen aurkako partidua "oso gaitza" izan zela aitortzen du Rafa Zulueta entrenatzaileak nahiz eta irundarrak urduri aterako zirelako esperantzarekin egon. Maldan gorako bidean partidua hasi eta bostgarren minutura hasi ziren aurkariek abantaila hartuta. 12. minutuan 2 kanporatze-zigor eta gero, abantaila are handiagoa hartu zuen arerioak. Bigarren zatia ez zuten errazago izan Irungo Gaztiaken jarrera zanpatzailearen aurrean. Finaleko lehen neurketa 40-25 amaitu zuten oñatiarrek, galtzen. Domeka goizean Ordizia izan zuten aurrean baina arerio aldaketarekin zortea ez zitzaien itzuli Izarraitz-Aloñakoei. Ordiziarren aurrean 34-29, askoz ere alde txikiagoarekin, galdu zuten atzokoan, finaleko laugarren postuaren etxera itzuliz. Hala ere, goiko mailan egon diren igoerengatik Aloñak oraindik mailaz igotzeko aukera izan dezake eta beste hiruekin Euskadiko txapelketara igo.