Lehen Hezkuntzako bigarren mailako 68 ikasle eta hiru irakasle izan ditugu bisitan Goienaren egoitzan. Papera, telebista, eta Goiena.net ataria nola egiten dugun eta publizitate sailak nola funtzionatzen duen ikusi dute . Era berean, Arrasate Irratia zuzenean entzuteko aukera izan dute.
Komunikabideen gaia lantzen dihardute ikastolan eta horren aitzakian, gure komunikabideak bertatik bertara ezagutzera etorri dira. Paperaren gaineko azalpenak maketatzailearen eskutik jaso dituzte. Telebistako platoan zenbat saio grabatzen ditugun ikusi dute teknikari baten laguntzarekin.
Bestalde, Goiena.net atariaren gaurkotasuna ikusi dute, eta bereziki gustatu zaie, Zorion Agurren tartea.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.