'Oñati 3izirik' birako lehen kontzertua emango dute bihar Olabarrieta auzoan

Kontzertuaren berri ematen duen kartela.
Martxoan aurkeztu zuten 'Oñati 3izirik' diskoa eta orain birari ekingo diote. Lehen kontzertua Oñatiko Olabarrieta auzoko jaietan izango da, bihar, 20:00etan. Antolatzaileek iragarri dute autobusa egongo dela bertara joateko.

Oñatiko bederatzi taldek grabatutako diskoa da Oñati 3izirik eta horietako bost izango dira, bihar Olabarrietan: Buru hilketa; Gomiztegiko artzainak; BENEH; Zuen azkena; eta Obstrucción nasal.

Diskoan parte hartu duten talde horiek guztiak dira hasi berri samarrak edo behintzat emanaldi asko egin gabekoak. Lehen kontzertua martxoan eman zuten Antixenan diskoa aurkeztu zutenean, eta bihar birari ekingo diote.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.