Gaitasunak batu ditzagun hezkuntza inklusiboa jasoteko eskubidearen alde izan da astearen leloa eta besteak beste, 2015erako helburuak jarri dituzte:
- Lehen haurtzaroko hezkuntza integrala hedatzea eta hobetzea
- 2015erako haur guztiek doako eta derrigorrezko oinarrizko Lehen Hezkuntza eskuratu ahal izateaz eta hura amaitzeaz arduratzea
- Gazte eta heldu guztien ikasketa-beharrei erantzuten zaiela bermatzea, bizitza aktiborako prestatzeko programen bidez
- 2015erako, alfabetatutako helduen kopurua %50 handitzea, batez ere, emakume alfabetatuena
- 2015erako, generoen arteko desberdintasunak ezabatzea Lehen eta Bigarren Hezkuntzan eta genero berdintasuna lortzea hezkuntzan, bereziki, neskei kalitate oneko oinarrizko hezkuntza eta errendimendu egokia izateko aukera bermatzea
- Hezkuntzaren alde kualitatibo guztiak hobetzea, pertsona guztiek ikasketetan emaitza onak izan ditzaten, bereziki, irakurmenean, idazmenean, aritmetikan eta bizitzarako oinarrizko trebetasunetan
Egindako ekintzak
Astean zehar ekintza asko egin dituzte, horien artean:
- Zer da inklusioa? galdera aztertu
- Lorentzoren lapikoa. Adimen urritasuna duen mutiko baten istorioa kontatzen duen bideoa ikusi eta hausnarketa egin
- Ikaste guztiek konpromisoa hartu egunerokotasunean ahalegin bat egingo dutela inklusioa posible izan dadin eta ondoren ikastetxean jartzeko kartela egin