Igande eta jai egunetan Oñati eta Arantzazu lotzen dituen Cuadrabus autobus zerbitzuak udako ordutegia du hilabete honetako lehen egunetik. Hala, goizeko 07:30ean aterako da lehen autobusa Oñatitik; orduro aterako da, azkena 18:30ean izango delarik. Arantzazutik jaisteko, berriz, lehen autobusa 08:00etan izango da eta azkena 19:00etan. Bestalde, 10:30eko eta 13:15eko autobusek geldiunea egingo dute Arrikrutzen. Bidaia bakoitzak 0,70 euro balio du.