Eguenera arte zabalik, Oñatiko spinning maratoirako izen-ematea

Mireia Bikuña 2014ko api. 1a, 12:27
140 lagunendako bizikletak egongo dira Zubikoa kiroldegiko kantxan eta oraindik 20 bat lagunendako lekua dago. Interesatuek kiroldegian bertan edo 'www.oinati.eu' atarian eman dezakete izena.

IV. spinning maratoia 16:00etatik 19:00etara egingo dute, 40 minutuko lau saiotan banatuta. Batetik bestera, bost minutuko tartea izango dute parte-hartzaileek atseden hartzeko, jateko eta edateko.

Lau saio

Lehen saioa Xabier Azkaratek, Arrasaten eta Antzuolan spinning irakasle denak, eta Javi Godoyk, Legazpiko irakasleak, emango dute. Bigarrenean, Itziar Ormaetxea izango da irakaslea, 13 urteko esperientzia du ikastaroetako irakasle lanetan. Edurne Arkauz eta Laura Anda izango ditu laguntzaile lanetan.

Hirugarrenean, Asi Arregi eta  Sara Perez izango dira gidariak. Lehena, Oñatiko kiroldegiko irakaslea, eta bigarrena, Zumarragako irakaslea.

Azken saioa Asier Agirrek gidatuko du. Irene Esnal izango da laguntzailea.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak