Laura Mintegi Oñatiko Udal Liburutegiko tertulian izango da gaur

Laura Mintegi idazlea.
Berak idatzitako 'Sisifo maite minez' liburuaz jardungo du Laura Mintegik gaur, martitzena, Oñatiko Udal Liburutegiko Tertulixan Irakurketa Klubean. Idazlea bertan egongo da, liburua irakurri duten pertsonekin esperientziak partekatzeko.

Tertulia 19:30ean hasiko da kultura etxean eta, lehenik eta behin, liburuaren aurkezpen labur bat egindo dute, irakurritakoa freskatzen laguntzeko helburuarekin. Jarraian, han batutakoek Sisifo maite minez liburuaren irakurketa pertsonalaren berri emango dute, bakoitzari sortu dizkion sentsazioak aditzera emateko.

Horrela, iritziak trukatzeko aukera izango dute, baita hausnarketak ezagutzeko ere. Azkenik, Laura Mintegi idazleari galderak egiteko txanda iritsiko da, irakurleek dituzten zalantzak argitzeko.

Dinamizatzailea Peru Magdalena izango da eta bera arduratuko da irakurleen galderak bideratzeaz eta saioaren nondik norakoak zehazteaz. Saioa jende guztiarentzat irekia izango da eta gutxi gorabehera bi ordu iraungo duela aurreikusten dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.