Maider Arregik eskolarteko bertso txapelketako finalerako txartela lortu

Egubakoitz iluntzean Zumarraga-Urretxun jokatutako kanporaketan lortu du Maider Arregi oñatiarrak eskolarteko bertso txapelketako finalerako txartela. Zazpi bertsolarik hartu zuten parte kanporaketan tartean, beste bi debagoiendar ere izan ziren: Marixe Ruiz de Austri arrasatearra eta Gontzal Belategi oñatiarra. Finala Gizpuzkoako Bertso Eskolen Egunean jokatuko da, Arrasaten maiatzaren 11n.

Denen artean saio txukuna eta ederra eskeini zuten Ama-Lur Elkartean bildu ziren 60 bertsozale ingururen aurrean. Ofizioak, bakarkako lanak eta trikitarekin lagundutako kopla saioa osatu behar izan zuten lan puntuagarrietan. Horiei hasierako eta bukaera agurra batzen zitzaizkien, bi hauek etziren puntuagarriak. Bukaerako agurrean zazpi bertsolariek saioarekin gozatu izana aitortu zuten, eta halaxe eskertu zituzten entzuleek beraien txalo zaparrada eskeiniz.


Beste hiru debagoiendar ere badira eskolartekoan, Ixak Sarasua aretxabaletarra, Ane Zuazubizkar arrasatearra eta Urko Arregi oñatiarra. Ixakek dagoeneko jokatu zuen bere kanporaketa, eta datorren apirilaren 4an jokatuko dute Urkok eta Anek Mutrikun.


ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.