"Uraren edo freskagarrien botilak eta edukiontziak erabili ditut gorputz moduan. Pasta ere erabali dut, eta tindatutako edo opariak biltzeko paperekin egin dizkiet jantziak", dio egileak. "Eskulanak beti gustatu zaizkit eta banuen izeba bat panpina bat zuena etxeko aulki bakoitzean. Gainera, jostuna zen, tela mordoa zituen etxean, eta horrek izan du eragina nigan", gaineratu du.
Berangon bizi da bera, baina amandrea Oñatikoa zen eta bere anaia, koinata, ahizpa eta ilobak ere Oñatin bizi dira. Erakusketa, gainera, bere ama, Edurne Arzuaga, eta amandrearen, Juana Erle, omenez egin du.
Erakusketa hilaren 30era arte egongo da zabalik, egunero, 18:00etatik 20:00etara.