Honela, Olakua auzoan hasiko dute proiektu hau. Auzo horretako dorre aurreko kirol kantxan egingo dute datozen lau zapatuetan, 11:30etik 13:30era. Eguraldi txarra eginez gero, dorre barruan antolatuko dute ludoteka ibiltaria.
Zapatu bakoitzean, jolas eta eskulan ezberdinak egingo dituzte eta 3 eta 10 urte arteko umeendako izango dira. Ekitaldi irekia izango da, hau da, ez da derrigorrezko izango Txalokaren erabiltzaile izatea.
Proiektu honekin, Txaloka ezagutaraztea eta auzoak biziberritzea gura dute Txatxilipurdiko lagunek.Olakua auzoan ekingo dio aurtengo ibilbideari ludoteka ibiltariak eta esperientziaren balorazioa ona izanez gero beste auzoetara ere zabalduko dute, Zubillaga edo Errekalde, kasu.