Badatoz Aratusteak!

Eguzkiz mozorrotzeko osagaiak
Mozorroak, musika, dantzak, txokolatea, antzerkia, txorimaloak... ikusiko, entzungo, usainduko eta gozatuko dira egubakoitzetik martitzenera bitartean. Hemen dira aurtengo Aratusteak.

Mikel Laboa gogoan izanda Mireia Gabilondok eta Kike Diaz de Radak zuzendutako Zazpi aldiz elur antzezlana da Udalak Aratusteetarako prestatu dituen ekitaldietan lehena. Egubakoitzean, hilak 28, izango da ikuskizun hori Santa Anan 22:30ean. Sarrerak salgai daude 10 eurotan.

Oñatiko Inauteriak taldeak berriz, zapatuan girotuko ditu herriko kaleak bertako Aratusteetako dantzekin. Aurten, gainera, pieza berriak, dantza berria eta pertsonaje berriekin. Domekan, bestalde, Luzaideko inauterien kalejira egingo du Oñatz dantza taldeak.

Martitzenerako, umeendako antzerkia, txokolatada, erromeria eta txorimaloak antolatu dituzte.

Ikastetxeak ere bai

Bestalde, Txantxiku Ikastolak eta Urgainek egubakoitzean ospatuko dituzte aurtengo Aratusteak, eta Elkar Hezik, martitzenean.

Udalak zein ikastetxeek prestatu dituzten egitarauak agendan dituzue.

 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.