Irteeran, Urbasako hegoaldea zeharkatuko dute. Lizarraga gainean dagoen Zunbeltz bentatik, hegoalderantz joango dira Dulantz (1.243m) eta Krezmendi (1.118m) mendiak igotzeko, eta hortik, Irantzuko monasteriora jaitsiko dira.
Aloñako tabernan eman daiteke izena, eta martxoaren 13an, eguena, amaituko da epea. Orain arte goizeko zortzietan gelditu izan badira ere, oraingoan zazpietan irtengo dira Oñatitik.Bazkideek 10 euro ordaindu beharko dituzte, 13 euro bazkide ez direnek eta 5 euro langabetuek.
Aloña Mendik egin du jada urte osoko egitaraua:
Apirilaren 5etik 6ra
Mendi ski trabesia Posets inguruan
Maiatzak 18
Zalamara mendi irteera
Ekainak 15
Aralarrera mendi irteera
Uztailaren 19tik 20ra
Gavarnie - Goriz - Perdido - Torla
Urriaren 18tik 19ra
Candanchu - Lizara - Bisaurin - Gabardito
Azaroak 16
Gorbeiara mendi irteera
Abenduak 21
GR 121 ibilbideko Zumaia - Deba etapa