Mikel Laboaren omenezko ikuskizuna da Zazpi aldiz elur. Mireia Gabilondo bergararrak zuzendu du, Kike Diaz de Radarekin batera, eta Ttanttakaren eskutik dator Oñatira hurrengo egubakoitzean, otsailaren 28an, Santa Ana antzokira.
Sarrerak, salgai daude dagoeneko. 10 eurotan eros daitezke www.barrabarra.eu atarian. Batzuk, dagoeneko, erosi dituzte.
Iñaki Salvador eta Anjel Unzu musikariak, Maria Berasarte abeslaria eta Iñaki Rikarte eta Mireia Gabilondo aktoreak dira protagonistak. Laboaren kantuak oinarri dituen ikuskizun intimista da Zazpi aldiz elur. Bernardo Atxagaren artikuluan oinarrituta dago.