Asteburu honetan musika izango da protagonista Antixena Gaztetxean

Musikaz disfrutatu nahi dutenek, pare bat hitzordu dute astebukaera honetan, gaur eta bihar kontzetuak izango baitira Oñatiko Antixena Gaztetxean.

Gaur, egubakoitza, 22:00tatik aurrera MobyDick-en kontzertua izango da. MobyDick artistaren izenaren atzean Eneko Burzako aurkitzen da. 2008an martxan jarritako proiektua da eta egiten duen musika estiloa flok-akustikoa dela esan daiteke.

Malenkonia eta Izaki Gardenak

Bihar zapatua aldiz, erritmo goxoak izango dira nagusi. Malenkonia eta Izaki Gardenak taldeak izango dira kontzertua eskaintzen. Hauek ere 22:00tatik aurrera izango dira oholtza gainean.

Malenkonia musika taldeakbere ibilbideko bigarrena laneko abestiak eskainiko ditu Gaztetxean, hau da, Homo Homini Lupus diskako abestiak. Oñatiarrak izanik, ondo ezagutzen duten oholtza da eta etxean egotean, euren publikoaren aurrean dena emango dute.

Izaki Gardenak taldea aldiz, 2012. urtean Jon Basagurenen bakarkako abestiei forma emateko sortu zen. Amaieratik hasi azken diskako doinuak aurkeztuko dituzte zapatuan. Pop, rock zein country doinuak lantzen dituzte, beraz, denetariko abestiak izango dira entzungai.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.