Izenak eta abizenak euskalduntzeko kanpaina jarri zuen martxan UEMAk urtarrilaren bigarren hamabostaldian. Euskaraz naiz da ekimen hori sustatzeko aukeratu duen leloa. Oñatiko Udalak bat egin du kanpaina horrekin. Horrela, abizenak euskal grafian idazteko deia egin gura die Udalak herritarrei.
Izena edo abizena euskalduntzeko, erregistro zibilera edo bake epaitegira joan eta izen edo abizena euskal grafiaz jarri gura duela esan eta eskaera orria bete beharko du herritarrak. Orri horrekin batera, dokumentu hauek aurkeztu beharko ditu: NAren fotokopia eta adin txikikoek gurasoena ere bai, epaitegian eskatzen den hitzez hitzezko jaiotza, errolda agiria, familia liburuaren fotokopia eta 16 urtetik gorako seme-alaben nortasun agiriaren fotokopia.