Eman daiteke izena Aloñako Lagunen Zuhaitz Egunerako

Aloñako Lagunek helduentzako Zuhaitz Eguna antolatzen dute 2001az geroztik. Aurtengoa martxoaren 2an izango da eta dagoeneko eman daiteke izena.

Aloñako gurutzearen mendeurrenean, 2001ean, gurutzea eta aterpea berritu zituzten eta liburu bat ere argitaratu zuten. Orduz geroztik, nagusientzako zuhaitz landaketa ere egiten dute. Aurtengoa martxoaren 2an izango da, domeka. Durun elkartuko dira, 09:30ean. Juan Karlos Igartua adiskideari omenaldia ere egingo diote aurten. Zuhaitz bat landatuko dute bere omenez, Lizartza inguruan.

Landaketaren ostean, Duruko gunean Bittor Altubek duen Gure kabia txabolan salda beroa eta txistorra eskainiko dira.

Izena-emateko bi aukera daude: Fernando Maiztegiri esanda, Patrue Kaleko bere tailerrean, edo aloinalagunak@gmail.com helbidera idatzita. Informazio gehiago euren blogean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.