Oñatiko mugikortasuna hobetzeko, hainbat Mugikortasun Foro egin dituzte 2013ko azarotik aurrera herrian. Hurrengo foroa eguaztenean, hilak 29, izango da 19:00etan udaletxean.
Eguazteneko foroan INTRA enpresak proposatutako ekintza plana aztertzen hasiko dira herritarrekin batera. INTRAk egiten duen proposamenean, besteak beste, herriko mugikortasunak lau ezaugarri hauek izan beharko lituzkeela azaltzen du: zuzentasuna, jasangarria, segurua eta eraginkorra. INTRAk dagoeneko egin du proposamen txostena eta hori herritarrekin eztabaidatuko dute.
