Oñatiko Pastoral Barrutiko Misio taldeak elkartasun afari egin zuen egubakoitz iluntzean Bidaurretako monasterioan. Azken bi urteetan Maliko Errepublikan (Afrika) aurrera eraman duten proiektua izan zen protagonista; janaria bidaltzera eta Togo herrian dagoen Saint Paul ikastetxean egin beharreko lanetara bideratu da bi urteotan bildutako dirua.
2012an 25.000 euro biltzeko helburua zehaztu zuten eta Jose Antonio Urteaga Misio taldeko kidearen arabera, kopuru horretara iritsi dira dagoeneko. Elkartasun afariekin –urtean lau egiten dituzte– eta bestelako ekintzekin –Aratusteetako txokolate-jana eta Gabonetako ekintzak kasu– bete dute helburua.
80 bat lagun
Egubakoitzeko afarian 80 bat lagun elkartu ziren, gehienak emakumezkoak eta 60 urtetik gorakoak. 30 bat tortilla eraman zituzten eta giro ederrean joan zen afaria; antolatzaileak, pozik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak