Gaztelekuko bosgarren Bertso Paper lehiaketako sari banaketa egin dute arratsaldean Oñatiko gaztelekuan. 119 lan aurkeztu dituzte eta bertsogintzaren osasun ona aldarrikatu dute. Alaia Martin bertsolari oiartzuarra izan da sariak banatzeko arduraduna. LH-ko sailean, Ane Mendizabal, Maria Murgiondo eta Mar Posadak osaturiko hirukoteak irabazi du; eta DBH eta Batxilergoko sailean, Maider Arregik eraman du sari potoloa, amonari eskainitako bertso batekin.
Bertso paper lehiaketako bosgarren edizioa, arrakastatsu bezala definitu du Iñaki Olaldek, bertso eskolako irakasleak eta lehiaketako antolatzaileak. Batez ere, bigarren hezkuntzan egon den parte hartzaile kopurua azpimarratu nahi izan du; 37 lan aurkeztu dira aurtengoan, normalean hamar inguru izaten direnean. Lehen Hezkuntzan 82 lan aurkeztu dira, urtean zehar ikastetxeetan bertsogintza lantzearen fruituak direla uste du Olaldek. Kalitate aldetik ere, lan oso onak egon direla esan du Olaldek; eta sari banaketan argi utzi dute hori, batez ere, DBH eta Batxilergoko finalistek.
Hurrengoak dira Bertso Paper lehiaketako saridunak:
