Bi partidu jokatuko dituzte Zubikoa pilotalekuan, 19:00etan hasita. Lehenengoan, Aloña Mendi Kirol Elkarteko kadeteek jokatuko dute; Ander Biain eta Manex Urrutiak Xabi Aiastui eta Markel Txintxurretaren aurka. Eta bigarrenean, Mikel Goñik eta Iñarra bergararrak Uriarte eta Azkarate oñatiarren kontra neurtuko dituzte indarrak.
Sarrerak Aloña Mendi, Pako eta Ongi tabernetan erosi daitezke: zortzi euro balioko dute aurrez eta hamar egunean bertan. 16 urtetik beherako gaztetxoak erdi-prezioan sartu ahal izango dira.
Jump in!-ek antolatu ditu pilota partiduak, Oñatiko Udalaren, Global pilota elkartearen eta Aloña Mendi Kirol Elkartearen laguntzarekin; eskerrak eman nahi izan dizkio, bereziki, Aloña Mendi Pilota Taldeari.
