Oñatiko Txiki-Txoko haurreskolak aro berria hasi du

Haur, guraso eta hezitzaileak, inaugurazio egunean.
Atzo –egubakoitza– inauguratu zuten ofizialki Txiki-Txoko, Oñatiko Udaleko eta Haurreskolak Partzuergoko ordezkariak ere bertan zirela. Neska-mutiko, guraso eta aiton-amonek euren hitzak entzun eta instalazioak bisitatu zituzten, mokadutxoa eginez ospakizuna borobiltzeko. Gaur goizeko ate irekietan izan da haurreskola berritua bertatik bertara ezagutzeko bigarren aukera. Euren saltsan ikusi ditugu neska-mutikoak, eta ilusioz beteta aita-amak.

Gabonetatik bueltan estreinatu zuten Olakuako haurreskola berria eta egokitzen ari dira oraindik, baina erabiltzaileak eta langileak pozik daude. Lehen baino gela bat gehiago dute orain 0 urtekoentzat, baina guztiek sumatuko dute hobekuntza, lehengo instalazioak hobetzeko eta espazioak zabaltzeko aprobetxatu dituztelako lanok.

32 plaza zeuden orain arte eta zortzi haur gehiagorentzako lekua egongo da aurrerantzean. Matrikulazio epe berri bat irekiko dute orain eta, eskaeraren arabera, hezitzaileren bat gehiago beharko da edo ez; sei daude, gaur egun.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.