Bi euskal musikari beterano Oñatiko Gaztelekuko oholtza gainean

Imanol Gallego 2014ko urt. 10a, 11:24
Gari bakarlariak bere azken diskoa aurkeztuko du.
Nekez uler daitezke XX. mendeko euskal doinuak Keuren eta Gariren lanei erreparatu gabe. Bi sortzaile horiek sentipen gazi-gozoei kantatu arren, taula gainean ikuskizun polita eman ohi dute eta gaurko emanaldia (22:30) horren adibide izango da.

Hertzainak taldearen garaietatik agertokietan dabilen kantaria izanik, maisua da agertokian bertan, eta publikoarekin, aldi oro, hari sendo bat sortzen du, harengandik hurbil senti dadin.

Abeslari bikain horrek espresibitate musikalaren gainean oinarritzen du bere ahots beroa, komunikazio samur bezain hunkigarria lortzeko eta une ahaztezinak sortzeko. Disko berrian, zuzeneko kontzeptu artistiko heldua erabili du publikoa berriro ere bere kantuen sakontasunaz liluratzeko.

Musikari oparoa

Keu Agirretxea Ondarroako musikari beteranoa ezin da musikarik gabe bizi. Bere ibilbidean jorratutako guztia lerrotan jasotzea ia ezinezkoa da: Psychophony, Zain, Etsaiak, Fjord, Keu, Uek, Governors… Azken urteotan ere gelditu gabe dabil. Joan berri den azokan, etxean grabatu eta nahastutako Behe presioaren erdigunean lana aurkeztu zuen eta kontzertu hau bere aurkezpen biran sar daiteke.

Bost euroren truke, gazteek hizki larriz euskal musika zer den ezagutuko dute eta nagusiek, aldiz, aztarna laga zuten bi musikariak ekarriko dituzte gogora.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak