Bi horiek izan dira Oñatin jokatutako ziklo-kros lasterketako protagonistetako bi. Arregiz gain beste zortzi Gipuzkoako txapeldun izendatu zituzten San Martingo zirkuituan: Olatz Odriozola (elitea), Alex Aranburu (23 urtez azpikoa), Eduardo Jimenez (master 30), Xabier Mendiaraz (master 40), Jokin Mujika (master 50), Patxi Aldanondo (gazteak) eta Jokin Alberdi (kadetea).
Proba askotan, irabazlea eta Gipuzkoako txapelduna ez dira pertson berbera izan. Jarraian duzue Oñatin jokatutako ziklo-kroseko irabazleak:
Kadeteak: Jokin Alderdi
Gazte mutila: Patxi Aldanondo
Master 30: Juan Jose Romero
Master 40: Manuel Quintanilla
Master 50: Jokin Mujika
23 urtez azpiko mutilak: Jonathan Lastra
Elite mutilak: Aketza Peña.
Elite neskak: Olatz Odriozola
Oñatiko ibilbideak bi zati oso nabarmen zituen: San Martin zuhaiztian zehaztutakoa eta goiko zelaian zehaztutakoa. Lehen laua eta oso azkarra, eta bigarrena teknikoagoa. Azken egunetako euriak asko gogortu zuen ibilbidearen zati hori. Txirrindulariei lokatza itsasten zitzaien leku guztietan.
