Datorren egubakoitzean, abenduak 20, banatuko dituzte aurtengo Oñatiko Kirol Sariak. Aurten, gainera, herritarren saria emango dute, lehenengo aldiz, urteroko sariez gain.
Izenak dioen bezala, herritarrek erabakiko dute sari hori herriko zein kirolari edo kirol eragileri eman. Internet bidez eman behar da botoa. Lau hauek dira aurtengo hautagaiak:
- Josune Odriozola: Espainiako igeriketa txapelketa paraolinpinkoan. 5 domina
- Aitor Otamendi: Espainiako Abentura Raid taldeko txapelketan txapelduna
- Gorka Guridi: Euskadiko cross country modalitatean txapelduna
- Iban Letamendi: - Espainiako mendi-lasterketa taldeko txapelketan txapelduna eta Mendi-lasterketen munduko kopan 14. sailkatua
Botoa emateko, udal webgunean sartu eta hango argibideak jarraitu baino ez da egin behar. Hauxe da helbidea: www.oinati.eu. Sari hori ere egubakoitzeko ekitaldian emango dute, 18:30ean udaletxeko osoko bilkuren aretoan.
2013 urtean zehar gehien nabarmendu diren herriko kirolari eta kirol eragileak omendu gura izaten du Udalak ekitaldi honekin.