Ibarretxek, Pagolak eta Sarasuak krisiaz berba egingo dute

Krisiaren eta horren irtenbideen gaineko mahai-ingurua egingo dute Oñatin Juan Jose Ibarretxek, Jose Antonio Pagolak eta Jon Sarasuak, Krisiak harrapatuta? Irtenbiderik bai? izenburuarekin. Debagoieneko Artziprestalgoak antolatu du. Hizlari bakoitzak ikuspuntu batetik landuko du gaia. Juan Jose Ibarretxek krisialdia eta ekonomia aztertuko ditu; Jose Antonio Pagola teologoak, krisialdia eta kristauak; eta Jon Sarasua irakasleak, krisialdia eta gaurko baloreak eta kultura.