2012/04/29 00:00 - 02:00
Matxura eta Herstura taldeak
Gaztelekua, Oñati
Hizkuntza: Euskara
MATXURA
Mikel Kazalis itzuli da, egitasmo berriarekin, baina euskal musikazaleentzat oso ezagunak diren aurpegiak lagun dituela: Fer Apoa (estricalla, kuraia, corazon de sapo), Aitor Abio (Pi.L.T), Txarly (anestesia, why not?) eta Mikel bera (negu gorriak, anestesia, estigia, kuraia,2kate,...). Rock industrial gordin eta astunez eta erritmo bortitzez betetako disko berria dakarte besapean, eta entzutekoaz gain, ikustekorik ere izango da gaztelekuan.
Punta-puntakoa. Mutur-muturrekoa!
HERSTURA
ErROOCKaldeko sototik atera den beste talde bat. Aspaldiko ezagunak genituen Sanlo Garage Brothers izenpean, eta orain, Herstura bezala birbataiatuak datozkigu disko eta guzti. Mikel Marco, Xabi Pico, Jagoba Martin eta Unai Pata dira Herstura, eta rock astuna da euren eremua, eta eremu horren barruan Dut, Lisabo edota Izaera taldeek egindako bidezidorretan barrena dabil laukotea. Mutrikuko AME estudioetan grabatu duten 6 kantuko diskoa aurkeztuko dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak