Bertsolari txapelketako finalistak Oñatira datoz

Abenduaren 15ean jokatuko da BECen Euskal Herriko bertsolari txapelketa. Zortzi bertsolari izango dira saio horretan, eta zortziak datoz Oñatira urtarrilaren 5ean, egun horretan urtero egin ohi den bertso saiora. Sarrerak Txokolateixan egongo dira salgai, 10 eurotan, hilaren 16tik aurrera.

Maialen Lujanbio, Amets Arzallus, Igor Elortza, Sustrai Colina, Aitor Mendiluze, Beñat Gaztelumendi, Unai Iturriaga eta Aitor Sarriegi dira finalera heldu diren zortzi bertsolariak eta Oñatin izango dira Errege bezperan, Zubikoa kiroldegian egingo den bertso saioan. 22:30ean hasiko da saioa.

Urtarrilaren 5eko bertso saio hori Oñatiko Bertso Eskolak antolatu eta zuzenduko du. Bertsolari Txapelketa Nagusiko finala jokatuko duten bertsolariak arituko dira bertsotan, eta saio berezia izango ei da. Dagoeneko hasi ei dira, gainera, finalistei jarriko dizkieten ariketak zehazten, prestatzen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.