Proposatzen den diru laguntzaren kopuruak ez du egitarau edo jarduerak duen aurrekontuaren erdia gaindituko eta 1.400 euroko topea izango du, salbuespenak izan ezik. Bestetik, Oñatiko Udaleko beste diru-laguntza bat jasotzen duten proiektuek ezingo dute poltsa honetako laguntzarik izango.
Hori kontuan izanda, bete beharreko beste baldintzak hauek dira: idatzizko eta ikus-entzunezko dokumentu edo euskarriak izango direla argitalpen motak, 10 ale Udalaren esku geldituko direla eta abenduaren 10a dela eskaerak egiteko azken eguna.